crop over nonsense song

crop over nonsense song

next year, my soca tune is de nonsense song
lil sain to mek de girls wine up and guh down
jus sporty enough to win pun Spring Garden
i gine outdo de one Contone and de one name Pong
Lil Rick and Ram aint na competiton
people at radio stations wuh get frighten
two verses and a catchy chorus repeated from now till kingdom come
pon a beat with a fast-paced drum pattun'
wid maximum percussion
nothing moral, mostly dumb
proper arrangement = none
smart lyrics to make de drunks clown around
sneak in some sexual innuendo fah fun
might be bout a lil hump in de sun
or lift up ya leg and drink sum rum
let loose; spin ya bum bum bum
the respected cuh get indecent
grinding up wid a random person
wuk up pon a boxy, then guh lon'
girls wuh get juck up, some might get juck down
on kadooment day, i got de keys ta bridgetown
de cavalcades gine like um
highty tighties might frown
i wuh mek sure it get upload ta bajantube. com
no.1 pon dem countdown
so look fa me getting interveiw on HOTT, 98 or Slam 101
cos next year is time for MY nonsense song

www.cropoverbarbados.com